Ətirli şamlar ümumiyyətlə hər kəsin sevdiyi bir çox müxtəlif çeşiddə olur. Qoxular nə qədər xoş görünsə də, arxasındakı reallıq belə olmaya bilər. Tədqiqatçıların sağlamlığa təhlükə yaratdığını sübut edən ətirli şamlar haqqında bir faktı təqdim edirik. Evdə bəzək kimi istifadə etdiyimiz və xoş qoxusundan ləzzət aldığımız ətirli şamlar müxtəlif narahatlıqlara səbəb ola biləcək xüsusiyyətlərə malikdir.
“Sherg.az” xəbər verir ki, araşdırmalara görə, ətirli şamlardan istifadə başgicəllənmə, baş ağrısı, tənəffüs problemi, sulu gözlər, asqırma və ya burun tıkanıklığı kimi problemlərə səbəb ola bilər. Bu səbəbdən ətirli şamlardan qaçınmaq lazımdır. Araşdırma nəticəsində məlum olub ki, bir çox şamların tərkibində sağlamlıq problemi olan insanlar üçün potensial təhlükəli maddələr var. Parafin və ya neft əsaslı mumdan hazırlanmış şamlar olduqca təhlükəli sayılır.
Araşdırmanın həmmüəllifi Ariful Haque ətirli şamların insan sağlamlığı üçün təhlükəsini bu sözlərlə izah edir:
"Yüksək konsentrasiyalarda toluolun uzun müddətə məruz qalması sinir sisteminə, tənəffüs sisteminə və inkişaf edən beyinə təsirlər də daxil olmaqla bir sıra sağlamlıq təhlükələri ilə əlaqələndirilir."
Eyni zamanda, şamları rəngləmək üçün istifadə edilən bəzi boyaların tərkibində benzidin var. Haque qeyd etdi ki, benzidin məruz qalması ilə sidik kisəsi xərçənginin inkişafı arasında korrelyasiya var.
Şamdan istifadə etməyi sevən insanlar, tez-tez istifadə edilən sintetik şamlar yerinə alternativ olaraq daha təbii qoxuları tövsiyə edirlər. Soya və bal mumu şamları daha üstün mövqedədir.
İstifadə olunan bəzi şamlar bir çox insanın tənəffüs problemi yaşamasına səbəb ola bilər. Kiçik otaqda çoxlu ətirli şamdan istifadə edən qadının dəm qazından zəhərlənərək xəstəxanaya yerləşdirildiyi bildirilir.
Xüsusilə parafin şamlardan istifadə edildikdə, tüstüdəki maddələrin inhilyasiya yolu ilə bədənə daxil olma potensialı narahatlıq yarada bilər. Ətirli şamların tərkibində olan bəzi kimyəvi maddələr dəri ilə təmasda olduqda və ya nəfəs aldıqda qıcıqlanmaya səbəb olur.
Şamların tərkibindəki ətirlər bəzi insanlarda allergik reaksiyalara səbəb ola bilər. Evin ətrafında ətirli şamlardan istifadə etdiyiniz zaman kiçik uşaqlar və ya ev heyvanları üçün də fərqli bir təhlükə yarana bilər. Buna görə də, üstünlük verilən mumun tərkibinə baxmaq faydalı olardı.
