“Güney Azərbaycan milli hərəkatı son yüz ildir ki, formalaşıb. Amma bunun fəlsəfi, ictimai-siyasi kökləri yüz il öncəyə dayanır. Quzey Azərbaycanda istiqlalımızın təkrar bərpasından sonra, Güney Azərbaycan milli hərəkatı yeni mərhələyə qədəm qoydu. Bu hərəkatın iki təməl sütunu var. Biri Azərbaycançılıq, digəri isə öz etnik kimliyimiz olan türklüyə vurğudur. Sözügedən hərəkat isə bunları nəzərə alaraq, millətimizi maarifləndirir”.
Bunu “Sherg.az”a açıqlamasında Türkiyədə yaşayan Güney Azərbaycanlı siyasi şərhçi Məhsa Mehdili İranın güneyli soydaşlarımıza qarşı təzyiq və təqiblərinə münasibət bikdirərkən deyib:
Onun sozlərinə, görə İran molla rejiminin güney azərbaycanlılara təzyiqləri uzun illərdir, davam edir:
“İctimai-mədəni sahədə fəaliyyət göstərdiyi üçün 10 illərlə həbs edilən və sürgünə göndərilən soydaşlarımız var. Vətən müharibəsinin ardından, Quzey Azərbaycan bölgədə üstünlük qazanmağa başladı. Bu üstünlüyün ardından isə İranın güneylilərə qarşı təzyiqləri çoxaldı. 44 günlük şavaş dönəmində 400-dən çox güneyli soydaşımız həbs edildi və işgəncələrə maruz qaldı.
Onların məhkəmələri hələ də davam edir. Yəni İran Azərbaycanın yüksəlməsinin cəzasını güney azərbaycanlılara kəsir. Amma bu vətən anlayışını bizlərdə daha da gücləndirərək, Güney Azərbaycan milli hərəkatı üçün yeni bir dönüş nöqtəsi oldu. Digər tərəfdən İran fars rejiminin təzyiqləri hələ də davam edir. Onlar bölgədəki məğlubiyyətinin və yanlış siyasətinin acısını güneylilərdən çıxır”.
Analitik qeyd edib ki, Güney və Quzey Azərbaycan xəritədə ayrı olsa da, siyasi prosesləri biri-birindən ayrı olmayıb:
" 2-ci Qarabağ müharibəsində güneylilər gecə-gündüz fəaliyyətdə olaraq, küçələrə axışmışdı. Yəni biz heç bir zaman ayrı olmamışıq. Bu səbəblə də Azərbaycan Respublikası dünyada yaşayan bütün azərbaycanlıların ata ocağıdır. Bunu bütün dünya bilir.
Cənab İlham Əliyevin son çıxışları isə təqdirəlayiq haldır. Doğrudur bəzən deyillər ki, bu çıxış niyə indi olub, daha əvvəl olmalı idi. Lakin mən heç də belə düşünmürəm. Azərbaycan rəhbərinin Güney məsələsini rəsmi görüşlərdə dilə gətirməsi bizim üçün böyük qazanc və tarix boyu apardığımız milli mübarizəmizin bir səmərəsidir. Bir tərəfdə Qarabağ savaşından sonra yüksələn bir Azərbaycan, digər tərəfdə isə iflas etmiş bir rejim ola İran var.
Düzdür Azərbaycanın gücü yüksəkdikcə düşmənlər də artacaq. Ancaq biz bu düşmənlərə qalib gəlmək iqtidarındəyıq. Çünki Prezident İlham Əliyevin çıxışı Güney Azərbaycan üçün yeni bir qan oldu".
