İran ABŞ tərəfindən İslam Respublikasına qarşı tətbiq edilən dəniz blokadasının aradan qaldırılması halında Pakistanın İslamabad şəhərində Vaşinqtonla danışıqların bərpasını mümkün hesab edir.
Sherg.az xəbər verir ki, bunu İranın BMT-dəki daimi nümayəndəsi Əmir Səid İravani bildirib.
“ABŞ-ın dəniz blokadası atəşkəs rejiminin pozulmasıdır və biz onlara bildirmişik ki, bu blokada dayandırılmalıdır. Əgər blokada aradan qaldırılsa, düşünürəm ki, növbəti danışıqlar raundu İslamabadda keçirilə bilər”, - deyə onun sözlərini SNN telekanalı sitat gətirib.
