Ermənistanın baş naziri Nikol Paşinyan Azərbaycan və Ermənistan münasibətləri ilə bağlı açıqlama verib.
Sherg.az türk mediasına istinadən xəbər verir ki, bəyanatında Azərbaycanla yeni müharibə ehtimalını yüksək qiymətləndirən Paşinyan “Sülh müqaviləsi imzalanmadıqca və belə bir saziş iki ölkənin parlamentləri tərəfindən təsdiqlənməyincə, təbii ki, yeni müharibə ehtimalı böyükdür” deyib.
Həm Qərbin, həm də Rusiyanın bir-birini günahlandırdığını deyən Paşinyan, "Qərbdəki bəzi dairələrin məntiqinə görə, Rusiya öhdəliklərini yerinə yetirmədiyi üçün bütün gözləntilərimizi doğrultmur. Eyni şəkildə Rusiya da Qərblə bağlı bizə eyni sözləri deyir" deyə vurğulayıb.
AZƏRBAYCAN SÜLH MÜQAVİLƏSİ ÜÇÜN İLK ADDIMI ATIR
İkinci Qarabağ müharibəsindən sonra Avropa İttifaqı (Aİ), ABŞ və Rusiya Azərbaycanla Ermənistan arasında münaqişənin həllində vasitəçilik edirlər. Azərbaycan iki ölkə arasında sülh sazişinin hazırlanması istiqamətində ilk addımı atdı və Ermənistana beş bəndlik sülh sazişi təklifi etdi. Ermənistan bu təklifləri qəbul etsə də, sülh danışıqlarına hazır olduğunu bəyan edib. Lakin danışıqlar hələlik heç bir nəticə verməyib. Azərbaycanın Qarabağı Ermənistanla birləşdirən Laçın dəhlizini təhlükəsizlik məqsədilə müvəqqəti bağlamasından sonra iki ölkə arasında gərginlik artıb.
Turan
