Türkiyənin bəzi bölgələrində mövsümə xas olmayan qeyri-adi isti hava qeydə alınıb. Bir neçə şəhərdə havanın istiliyi rekord həddə çatıb.
Bakupost.az xarici mediaya istinadla xəbər verir ki, Bursada hava 31,7 dərəcəyə qədər isinib. Məlumata görə, belə isti hava şəraiti son dəfə 1928-ci ildə müşahidə olunub. İstanbulda temperatur 26,7 dərəcə, İzmirdə isə 30,2 dərəcə istilik qeydə alınıb.
Amma Bodrum ərazisində küləyin sürəti saatda 70 km olub. Dənizdə dalğanın hündürlüyü 3 metrə çatıb. Sahilə yaxın ərazidəki qayıqlar küləyin təsirindən parça-parça olub.
