Vaşinqton Rusiyanı NATO ölkələrinə qarşı təxribatları dayandırmağa çağırıb.
APA xəbər verir ki, “Sky News“ bu haqda ABŞ-nin BMT-dəki daimi nümayəndəsi Maykl Uoltsa istinadən məlumat yayıb.
BMT Təhlükəsizlik Şurasının iclası zamanı o, ABŞ-nin lazım gələrsə, müttəfiqlərini müdafiə edəcəyini deyib.
"Mən ilk fürsətdən istifadə edərək bir daha təkrar etmək və vurğulamaq istəyirəm ki, ABŞ və müttəfiqlərimiz NATO ərazisinin hər qarışını müdafiə edəcəklər. Rusiya bu təhlükəli davranışı dərhal dayandırmalıdır", - o deyib.
Uolts həmçinin qeyd edib ki, Vaşinqtonun bu cür təxribatları dayandırmaq çağırışlarına baxmayaraq, Rusiya növbəti dəfə NATO üzvü olan dövlətin hava məkanını pozub.
