"Qan içində olan uşaqlara baxanda yumruqlarını sıxırsan, gözlərin yaşla dolur. İstənilən normal insan buna belə reaksiya verər"
Rusiya prezidenti Vladimir Putin Rusiya Müsəlmanları Ruhani Məclisinin üzvləri ilə görüş keçirib.
Sherg.az rus mediasına istinadən xəbər verir ki, Rusiya müsəlmanlarının vəziyyəti, eləcə də Yaxın Şərqdəki hadisələrin müzakirə edildiyi iclasda Vladimir Putinə sual vermək üçün ayağa qalxan Rusiya Müsəlmanları Ruhani Məclisinin sədri Müfti Albir Kurqanov çıxışına "Salam aleykum" deyərək başlayıb.
Vladimir Putin Kurqanova “Aleykumselam” deyərək cavab verəndə zaldakı iştirakçılar tərəfindən böyük alqışlarla qarşılanıb. Çıxışında Fələstin-İsrail münaqişəsində mülki fələstinlilərə dəyən zərərdən bəhs edən Putin, “Orada (Qəzzada) baş verən dəhşətlərə uyğun bir qığılcım yandırmaq asandır. Əzab çəkən, qan içində olan uşaqlara baxanda yumruqlarını sıxırsan, gözlərin yaşla dolur. İstənilən normal insan buna belə reaksiya verər. Əgər belə reaksiya vermirsə, deməli, ürəyi yoxdur. Onların daş ürəyi var" deyə bildirib.
"ƏMƏLİYYATLARA MƏCBUR OLDUQ"
Ukraynadakı müharibə ilə bağlı danışan Putin, Rusiyanın hərbi əməliyyatlara məcbur edildiyini ifadə edərək, “Pulemyotu ifşa etməzdən əvvəl bunu nəzərə almaq lazımdır. Başqa variantlar var idi? Xeyr, olmadı. Başqa seçimimiz yox idi. Çünki biz artıq hücuma məruz qalmışıq” deyə vurğulayəb.
Krımın ilhaqı ilə bağlı ukraynalı siyasətçiləri tənqid edən Putin sözünə belə davam edib. “2014-cü il çevrilişindən (Ukraynada xalq üsyanı) sonra onlar ekstremizmlə məşğul olmağa və rus olan hər şeyi məhv etməyə başladılar. Bizə orada yaşayan insanların müdafiəsinə qalxmaqdan başqa heç nə edə bilməyəcəyimiz bir seçim verdilər. Eyni şey daha sonra Donbass və Novorossiyada da baş verdi. Biz insanları bu nasist pisliyindən qorumalı idik" .
