ABŞ-li bloqer Laura Lumerin Ukrayna Prezidenti Volodimir Zelenski ilə müsahibəsindən sonra etdiyi paylaşım sosial şəbəkələrdə geniş müzakirələrə səbəb olub.
Sherg.az xəbər verir ki, Lumer paylaşımında Rusiyaya qarşı daha sərt sanksiyaların tətbiqini dəstəklədiyini bildirib və ABŞ Prezidenti Donald Trampı bununla bağlı yeni qanunu imzalamağa çağırıb.
O, həmçinin Rusiya Birbaşa İnvestisiya Fondunun rəhbəri Kirill Dmitriyevin ABŞ Konqresinə buraxılmamasını təklif edib və Rusiyanın dövlət mediasını tənqid edib.
Məlumata görə, Laura Lumer Zelenski ilə müsahibə zamanı Ukraynadakı vəziyyət, Rusiya-Ukrayna müharibəsi və beynəlxalq siyasətlə bağlı müxtəlif mövzulara toxunub. Müsahibənin bəzi məqamları və bloqerin sonrakı açıqlamaları sosial media istifadəçiləri arasında fərqli reaksiyalar doğurub.
Qeyd edək ki, xəbərdə yer alan iddialar və qiymətləndirmələr müsahibə iştirakçılarının şəxsi fikirlərini əks etdirir və onların müstəqil təsdiqi təqdim olunmur.
