Novxanı-Pirşağı yolunda yol-nəqliyyat hadisəsi baş verib
Oxu.Az xəbər verir ki, qəzada bir nəfər ölüb, üç nəfər yaralanıb.
Səhiyyə Nazirliyindən redaksiyamıza verilən məlumata görə, faktla bağlı Təcili Tibbi Yardıma çağırış 13:10-da daxil olub.
“Həkimlər hadisə yerinə çatanda bir nəfər qadın aldığı xəsarətlərdən hadisə yerində ölüb. 44 yaşlı kişi bud sümüyünün sınığı, iki azyaşlı uşaq isə daxili qanaxmaya diaqnozu ilə 3 saylı şəhər xəstəxanasına çatdırılıblar. Yaralılara lazımi tibbi yardım göstərilir”.
