Bakıda əlillər üçün verilən maşının sürücüsü təhlükəli anlar yaradıb.
Oxu.Az-ın məlumatına görə, dövlət nömrə nişanı olmayan avtomobili idarə edən şəxs əks yola çıxaraq, nəqliyyatın digər iştirakçılarına mane olub.
Hadisə Mehdiabad qəsəbəsi ərazində baş verib.
Baş Dövlət Yol Polisi İdarəsinin şöbə rəisi, polis polkovnik-leytenantı Rüfət Quliyev Oxu.Az-a açıqlamasında bildirib ki, məsələ ilə bağlı araşdırmalara başlanılıb:
“Təqdim olunmuş videogörüntülərə baxış keçirilib. Əlavə olaraq ərazidə quraşdırılmış xüsusi texnika vasitəsilə baxış keçiriləcək. Faktla bağlı araşdırma aparılacaq. Qanunvericiliyə uyğun olaraq, sürücü barəsində tədbirlər görüləcək”.
