Ər-Riyadda metro istifadəyə verilib
18:03 02.12.2024
Dünya
477
Səudiyyə Ərəbistanının paytaxtı Ər-Riyadda metro fəaliyyətə başlayıb.
AZƏRTAC “Əl-Ərəbiyyə” telekanalına istinadla xəbər verir ki, metropolitenin birinci mərhələsində altı xətdən üçü açılıb. Birinci xətt (38 kilometr) şəhərin şimalından cənubuna, ikinci xətt (29 kilometr) mərkəzdən Kral Xalid Beynəlxalq Hava Limanına qədər uzanır, üçüncü xətt (30 kilometr) isə şimal və şimal-şərqdəki rayonları birləşdirir.
Metronun ötən həftə keçirilmiş açılış mərasimində Səudiyyə Ərəbistanının kralı Salman bin Əbdüləziz Əl Səud çıxış edib. Layihə vəliəhd şahzadə Məhəmməd bin Salmanın dəstəyi ilə “Vision 2030” strategiyası çərçivəsində həyata keçirilir.
Dekabrın 15-də qərbdən şərqə doğru uzanan dördüncü (25 kilometr) və şəhərin mərkəzindən keçən beşinci (13 kilometr) xəttin açılışı gözlənilir. 2025-ci il yanvarın 5-nə planlaşdırılan üçüncü mərhələ Ər-Riyadın qərbindən şərqinə uzanan altıncı xəttin (41 kilometr) işə salınmasını nəzərdə tutur.
Telekanalın məlumatına görə, metro xətlərinin ümumi uzunluğu 176 kilometr olacaq və gündə 3,6 milyondan çox sərnişin dövriyyəsi həyata keçirəcək.
Səudiyyə Ərəbistanı xarici turist axınını 2023-cü ildəki 27 milyondan 2030-cu ildə iki dəfədən çox artıraraq 70 milyona çatdırmağı hədəfləyir. Növbəti on il ərzində turizm infrastrukturunun inkişafına 1 trilyon dollara yaxın investisiya qoyuluşu planlaşdırılır. Turizm sektorunun inkişafı ölkə iqtisadiyyatının şaxələndirilməsi və neft ixracından asılılığının azaldılması səylərinin bir hissəsidir.
Oxşar xəbərlər
Xəbər lenti
Hamısına bax
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya
Bakı Dialoqunun yekun Bəyannaməsi BMT-nin rəsmi sənədi kimi yayılıb
16:30 18.11.2026
Dünya
Putin və Tramp Çində ayaqüstü söhbət ediblər
16:13 18.11.2026
Gündəm