Türkiyənin Burdur bölgəsinin Salda gölü ətrafında maralların qarda yemək axtardığı görünüb.
“Şərq” xəbər verir ki, şəhərə yağan güclü qardan sonra Yeşilova rayonundakı meşəlik ərazidə yemək axtaran iki maral Təbiəti Mühafizə və Milli Parklar (DKMP) qrupları tərəfindən qeydə alınıb.
Qarlı meşədən çıxan marallardan biri gözəl görüntü yaradıb. Görüntülər qruplar tərəfindən sosial media hesablarında paylaşılıb.
Burdur Qubernatorluğu da sosial media hesablarında bölgədə çalışan jandarma qruplarının qarşılaşdığı maralların görüntüsünü yayıb.
DKMP Ümumi Müdirliyi səlahiyyətliləri tərəfindən "Nəsli kəsilməkdə olan növlərin əvvəlki yaşayış yerlərinə bərpası layihəsi" çərçivəsində 23 qızıl maral Salda gölü ətrafındakı meşəyə buraxılıb.
