Türkiyənin Kırıkkale bölgəsində E.K anasının telefonunda mesajlarını gördüyü həkimə hücum edib. Həkim gözündən yaralanıb. Hadisədən sonra qaçan 2 şübhəli saxlanılıb.
Sherg.az "ntv.com.tr"-yə istinadən xəbər verir ki, hadisə günorta saatlarında Hürriyyət küçəsində yerləşən “Hürriyyət” Ailə Sağlamlığı Mərkəzində baş verib.
İddiaya görə E.K həkim Yakup Ç ilə anasının telefonunda mesajlarını görüb. Bunun üzərinə dostu O.İ. ilə birlikdə ailə sağlamlıq mərkəzinə gedən E.K., həkim Yakup Ç-ni döyərək qaçıb. Bölgədəki insanların hadisə ilə bağlı xəbər verməsindən sonra ünvana polis qrupları sövq edilib.
Ailə sağlamlığı mərkəzində ilkin tibbi yardım alan Yakup Ç. daha sonra Yüksək İhtisas xəstəxanasına köçürülüb. Sağ gözündən xəsarət alan Yakup Ç.-nin müalicəsi başa çatdıqdan sonra evə buraxılıb.
Hadisədən sonra qaçan iki şübhəli polis qrupları tərəfindən qısa müddətdə tutularaq nəzarətə altına alınıb. Şübhəlilərin polis bölməsində əməliyyatları davam etdirilir.
