Əlləri bağlandıqdan sonra yük maşınına qoyulublar
Diyarbakırda Remzi Sati və oğlu Məhəmmədin yanan yük maşınında cansız bədənlərinin tapılması ilə bağlı aparılan istintaq çərçivəsində 3 nəfər saxlanılıb.
Sherg.az xəbər verir ki, hadisə Sur rayonunun kəndlərindən olan Körpübaşı məhəlləsi yaxınlığındakı boş ərazidə baş verib. Səhər saatlarında 21 GH 662 nömrə nişanlı yük maşınının yanmış halda olduğunu görənlər bu barədə 112 Təcili Çağrı Mərkəzinə məlumat veriblər. Məlumat əsasında əraziyə jandarma qrupları göndərilib. Araşdırmalar zamanı yük maşınında Remzi Sati və onun oğlu Məhəmmədin cansız bədənləri aşkar edilib. Ata və oğulun meyitləri ekspertiza üçün Məhkəmə-Tibb İdarəsinin morquna aparılıb.
Jandarma əməkdaşları yük maşını və ətrafında araşdırma aparıb. Ata və oğulun əllərinin bağlandıqdan sonra yük maşınının içinə qoyulduqları və daha sonra avtomobilin yandırıldığı iddia olunur.
Hadisə ilə bağlı başlanan istintaq çərçivəsində 3 nəfər saxlanılıb. Şübhəlilərin jandarmadakı ifadəvermə prosesi davam edir.
Remzi Sati və oğlu Məhəmmədin meyitlərinin Diyarbakır Məhkəmə-Tibb İdarəsindəki prosedurlardan sonra İstanbuldakı Məhkəmə-Tibb İdarəsinə göndəriləcəyi bildirilib.
