Sivasta nəfəs borusuna mandarin ilişən orta məktəb şagirdi, bədən tərbiyəsi müəlliminin Heimlich manevrası sayəsində xilas edilib.
Sherg.az xəbər verir ki, özünü pis hiss edən şagird həmin vaxt bədən tərbiyəsi dərsində olan müəllimi Yunus İşlərə qaçıb.
İşlər Heimlich manevrası tətbiq edərək şagirdin boğazındakı mandarin parçasının çıxmasını təmin edib.
Müəllimin şagirdə Heimlich manevrası tətbiq etdiyi anlar məktəbin təhlükəsizlik kameraları tərəfindən qeydə alınıb.
Şagirdi xilas edən bədən tərbiyəsi müəllimi Yunus İşlər jurnalistlərə açıqlamasında deyib:
“Uşağımız məktəbdə növbətçi idi. Burada mandarin yeyirdilər. Məktəbin həyətində qaçaraq yanıma gəldi. Boğazına bir şey keçdiyini izah etməyə çalışdı. Heimlich manevrası ilə uşağımızı bu vəziyyətdən xilas etməyə çalışdıq və çox şükür ki, xilas oldu.”
İşlər əlavə edib ki, o, Milli Təhsil Nazirliyinin ilk yardım seminarlarında iştirak edib:
“Buna görə də məlumatlı idik. Bir qədər sakit qalmaq çətin idi. 10 dəqiqə sonra özümüzə gəldik, uşağın düzgün duruşu və sakitliyi bizi sevindirdi. Ən azından uşaqlarımızın da şüurlu olduğunu gördük.”
Nəfəs borusuna mandarin parçası keçən şagird Çağdaş Gürbüzer isə dostu Miraç ilə mandarin yediklərini bildirərək deyib:
“Mandarin yeyərkən burnum tutuldu. Nəfəs ala bilmədiyim üçün ağızımla nəfəs almağa çalışdım, boğazıma keçdi. Sonra udmağa çalışdım, amma udmaq mümkün olmadı. Udmaq və nəfəs almaq mümkün olmadığından dərhal müəllimimə qaçdım. Müəllimim Heimlich manevrası etdi. Nəhayət, mandarin parçası boğazımdan çıxdı. Bir az qorxdum, amma sakit qalmağa çalışdım. Müəllimimə çox təşəkkür edirəm, əllərindən öpürəm.”
