Kosta-Rikanın Pococi həbsxanasında qeyri-adi bir hadisə baş verib.
Sherg.az xəbər verir ki, həbsxana əməkdaşları bədəninə iki paket narkotik maddə bağlanmış bir pişiyi ələ keçirib.
Pişiyi fərq edən nəzarətçilər onun üzərində 235 qram marixuana və 67 qram sintetik narkotik aşkar ediblər. Tapılan narkotiklər müsadirə olunub.
Sosial şəbəkələrdə "narko-pişik" adı ilə məşhurlaşan heyvan, sağlamlıq müayinəsi üçün Milli Heyvan Sağlamlığı xidmətinə təhvil verilib.
Kosta-Rikada narkotik istifadəsi və qaçaqmalçılığı ciddi problem olaraq qalmaqdadır.
Amerika mətbuatının məşhur nəşri "The New York Times", 2023-cü ildə Kosta-Rikanın 21 ton kokain ilə narkotik tranzit mərkəzinə çevrildiyini iddia edən məqalə dərc etmişdi.
Bu arada, "Costa Rica Star" qəzetinin “Narkotik Pişiklər: Kosta-Rika həbsxanalarındakı ev heyvanları” başlıqlı son məqaləsində qeyd olunur ki, məhkumlar heyvanlardan narkotik kuryeri kimi istifadə edirlər. Məlumata görə, pişiklər əsasən marixuana, siqaret, nağd pul və əl yazması qeydlərlə azad şəkildə hərəkət edirlər.
