Keçmiş sevgilisi şübhəli qismində saxlanılıb
İzmirin Beydağ rayonunda, atasının ilə birlikdə təkmərtəbəli evdə yaşayan 20 yaşlı Aysun Candan, pəncərədən açılan silah atəşi nəticəsində həyatını itirib. Hadisə ilə bağlı Candanın keçmiş sevgilisi H.A. saxlanılıb.
Sherg.az hadisənin təfərrüatını təqdim edir:
Hadisə dünən saat 21:30 radələrində Beydağ rayonunun Eğridere məhəlləsində baş verib. Atası İbrahim Candan ilə birlikdə yaşayan Aysun Candan, evin pəncərəsindən açılan atəş nəticəsində ağır yaralanıb. Qızının qanlar içində olduğunu görən ata dərhal təcili tibbi yardım çağırıb. Hadisə yerinə gələn təcili yardım və jandarma qrupları Aysun Candanın həyatını itirdiyini müəyyən ediblər. Onun cəsədi prokurorun ilkin baxışından sonra İzmir Məhkəmə-Tibbi Ekspertiza İdarəsinə aparılıb.
Aparılan ilkin araşdırmalar nəticəsində Aysun Candanın keçmiş sevgilisi olduğu bildirilən H.A. şübhəli qismində saxlanılıb.
Hadisə ilə bağlı istintaq davam edir.
