Dələduzluq və cinayət yolu ilə əldə edilmiş gəlirləri yuma ittihamları ilə axtarışda olan və xaricdə olduğu üçün barəsində qırmızı bülleten çıxarılan Ebru T., pul qarşılığında fala baxdığı üçün də 3 ay həbs cəzasına məhkum edilib.
Sherg.az xəbər verir ki, Türkiyədə pul qarşılığında fala baxmaq artıq cinayət hesab olunur.
Dələduzluq və cinayət gəlirlərinin yuyulması işi üzrə zərərçəkmiş tərəfin vəkili Burak Temizer, Maliyyə Cinayətləri Araşdırma İdarəsinin (MASAK) hesabatını araşdırarkən, sanıqlardan biri olan Ebru T.-nin maliyyə əməliyyatları diqqətini çəkib.
Vəkil Temizer, sanığın hesabında "150, 200, 250, 300 TL" məbləğlərdə pul hərəkətləri olduğunu və əməliyyat açıqlamalarında "fal", "fal üçün", "oxuma haqqı", "fal haqqı", "fal ödənişi" kimi qeydlərin yer aldığını gördüyünü bildirib.
Av. Temizer bundan sonra şikayət ərizəsi hazırlayıb və 677 saylı qanuna əsaslanaraq Ebru T. barəsində fala baxmaqla bağlı cinayətə görə prokurorluğa müraciət edib.
İddianamə hazırlanaraq ictimai ittiham üzrə cinayət işi açılıb.
İstanbul Anadolu 44-cü Asliye Cəza Məhkəməsi, 1925-ci ildən qüvvədə olan 677 saylı qanuna əsaslanaraq pul qarşılığında fala baxmağı cinayət hesab edib və Ebru T.-yə 3 ay həbs cəzası verib. Hökmdə cəzanın icrasının təxirə salınması tətbiq edilməyib.
Dələduzluq və cinayət gəlirlərini yuma ittihamları ilə 10 il 6 ay qəti cəza almış və qırmızı bültenlə axtarılan adamın cinayət dosyesinə fala baxmaq səbəbilə də 3 ay həbs cəzası əlavə olunub.
FAL BAXMAQ CİNAYƏTDİR Mİ?
1925-ci ildən qüvvədə olan 677 saylı qanuna görə, fala baxmaq, falçılıqla məşğul olmaq və bunu peşə kimi davam etdirmək cinayət sayılır.
Həbs cəzası isə 3 aydan başlayır.
