Salyanda piyadanın vurulması ilə nəticələnən yol-nəqliyyat hadisəsi baş verib.
“Report”un Aran bürosunun məlumatına görə, hadisə rayonun Qalalı kəndi ərazisində qeydə alınıb. Belə ki, Salyan şəhər sakini, 1940-cı il təvəllüdlü Əliyev Asiman yolu keçmək istəyən zaman minik avtomobili onu vurub.
Müxtəlif dərəcəli xəsarətlər alan piyada Salyan Mərkəzi Rayon Xəstəxanasına çatdırılıb.
Faktla bağlı araşdırma aparılır.
