Zaqatalada 39 yaşlı kişini maşın vuraraq öldürüb.
APA-nın şimal-qərb bürosunun xəbərinə görə, hadisə Zaqatala-Muğanlı avtomobil yolunun rayonun Dağlı kəndi ərazisindən keçən hissəsində baş verib.
Rayon sakini Bilal Hilalov idarə etdiyi “Opel” markalı minik avtomobili ilə piyada 1983-cü il təvəllüdlü Dağlı kənd sakini Osman Hacı oğlu Məhərrəmovu vurub. O. Məhərrəmov aldığı ağır xəsarətlərdən hadisə yerində ölüb.
Faktla bağlı Zaqatala Rayon Polis Şöbəsində araşdırma aparılır.
