Madrid “Real”ının sabiq məşqçisi Zinəddin Zidanla jurnalist arasında insident yaşanıb.
“Onze Mondial” xəbər verir ki, fransız mütəxəssis ötən gün “Rayo Valyekano” klubunda qapıçı kimi meydana çıxan oğlu – Luka Zidanın oyununa tamaşa etmək üçün stadiona yollanıb.
Stadiona girişdə jurnalistlərdən biri Z.Zidana “Real”ı tərk etməsi barədə sual ünvanlayıb.
Öz növbəsində 48 yaşlı futbol mütəxəssisi jurnalistin sualına kobud cavab verib:
“Mənə eyni məzmunda axmaq sualları verməyə davam edəcəksiz? Sənin gördüyün iş rüsvayçılıqdan ibarətdir”, - əsəbi halda Z.Zidan qeyd edib.
