Danimarka yığmasının sabiq futbolçusu Tomas Kalenberq koronavirusa yoluxub.
APA xəbər verir ki, bu yaxınlarda Amsterdamdan qayıdan 36 yaşlı Kalenberq Danimarka çempionatında çıxış edən “Bröndbü” və “Lünqpü” komandalarının görüşməsini canlı izləyib.
Bundan sonra 2010-cu ildə keçirilən futbol üzrə dünya çempionatının iştirakçısında koronavirus aşkar edilib.
Kopenhageni təmsil edən “Bröndbü”dən verilən məlumata əsasən, Kalenberqlə təmasda olan klubun 13 əməkdaşı, o cümlədən, müdafiəçi Yoel Kaponqko, köməkçi məşqçi Martin Retov və baş direktor Ole Palma ev karantininə göndərilib.
Həmçinin, Kalenberqlə görüşən üç “Lünqpü” futbolçusu – Martin Örnsqov, Kasper Yorqensen və Patrik da Silva əsas heyətdən təcrid edilib.
