"Qalatasaray" və "Fənərbağça" arasında fevralın 24-də keçirilən Türkiyə Superliqasında keçirilən qarşılaşmadan (0:0) sonra söz-söhbətlər səngiməmiş cari mövsümün sonundək bu komandaların iştirakı ilə daha bir derbinin olacağı müəyyənləşib.
Offsideplus.az xəbər verir ki, tərəflər Türkiyə Kubokunun 1/4 finalında qüvvələrini sınayacaqlar.
Bir oyundan ibarət bu mərhələnin qarşılaşması "Şükrü Saracoğlu" stadionunda keçiriləcək. Buna səbəb "Fənərbağça"nın qrup mərhələsini 1-ci, "Cim Bom"un isə 2-ci başa vurmasıdır.
İstanbul derbisi aprelin ilk 3 günündə keçiriləcək.
Bu gün gerçəkləşən püşkatmanın nəticələri belə olub:
Türkiyə Kuboku, 1/4 final mərhələsi, 1-3 aprel
"Trabzonspor" - "Bodrum"
"Konyaspor" - "İskenderunspor"
"Fənərbağça" - "Qalatasaray"
"Beşiktaş" - "Göztəpə"
