"Qəbələ" və "Neftçi" klublarının sabiq futbolçusu Baqali Dabo şəxsi rekordunu təkrarlayıb.
"Report"un məlumatına görə, fransalı hücumçu buna hazırda çıxış etdiyi Kipr "Apollon"unun heyətində ardıcıl 4 çempionat oyununda fərqlənməklə nail olub. 33 yaşlı forvard VIII, IX, X və XI turlarda müvafiq olaraq, "Olimpiakos", "Doksa", PAEEK və "Anortosis" komandalarının qapısına qol vurub.
Qeyd edək ki, Baqali Dabo 2016 - 2018-ci illərdə "Qəbələ"nin, 2018 - 2020-ci illərdə isə "Neftçi"nin formasını geyinib. O, 2017/2018 mövsümündə əyalət təmsilçisinin heyətində ardıcıl olaraq "Sumqayıt", "Neftçi", "Kəpəz" və "Keşlə" ilə görüşlərdə fərqlənib.
