Müğənni Şakira ilə ayrılan Jerard Pike onun adı olan forma ilə meydana çıxmalı olacaq.
Axşam.az xəbər verir ki, Şakira "Spotify" ilə müqavilə bağlayıb. Buna əsasən, musiqiçilərin adları "Barselona" futbolçularının formasında əks olunacaq.
Şakiranın adının Pikenin çıxış etdiyi “Barselona” futbol klubunun formalarında yer alacağı ehtimal edilir. Bu, klub və "Spotify" xidməti arasında müqavilələr çərçivəsində baş verəcək.
Qeyd edək ki, bu yaxınlarda “Barselona” futbol klubu İspaniya çempionatının oyununda “Real Madrid”lə reper Dreykin loqosunun vurulduğu köynəklərlə çıxış edib.
Xatırladaq ki, müğənni və futbolçu təxminən 11 il birlikdə olub, onların iki oğlu var - 9 yaşlı Milan və 7 yaşlı Saşa. Onlar rəsmi nikahda olmayıblar.
