Luka Quqeşaşvili mövsümün sonunda “Qarabağ”dan ayrıla bilər.
Xorvatiyanın “Riyeka” klubu gürcü qapıçının xidmətində maraqlıdır. “Transfermarkt”a görə, keçidin reallaşma ehtimalı yüksəkdir.
Quqeşaşvilinin Xorvatiya klubuna birdəfəlik transfer olunacağı, yoxsa icarəyə veriləcəyi bəlli deyil.
Oxu.Az saytının əldə etdiyi məlumata görə, Lukanın yayda icarəyə göndərilməsi planlaşdırılır.
Qeyd edək ki, “Qarabağ” Quqeşaşvili 2022-ci ilin yanvarında Polşa “Yaqelloniya”sından icarəyə götürüb, həmin ilin iyulunda isə birdəfəlik transfer edib.
