Albaniyanın paytaxtı Tiranada keçirilən Dünya çempionatında tarixi uğura imza atan və 3 qızıl medalla komanda hesabında dünya çempionu olan yunan-Roma güləşi üzrə millimiz bu gün Vətənə qayıdıb.
APA xəbər verir ki, Heydər Əliyev Beynəlxalq Aeroportunda idmançıların qarşılanma mərasimi keçirilib.
Mərasimdə idman ictimaiyyəti, media mənsubları, azarkeşlər, idmançıların yaxınları, ictimaiyyət nümayəndələri iştirak ediblər.
Qeyd edək ki, 3 qızıl medal qazanan yığmamız 85 xalla dünya çempionu olub. Titulunu qoruyan komandamız ardıcıl 2-ci dəfə bu uğura imza atıb.
Azərbaycan ən yaxın izləyicisi olan İranı 34 xal qabaqlayıb.
