İvanişvili komandasının şansını dəyərləndirir: Zurabişvilinin yenidən seçilmə ehtimalı çox aşağıdır
Yusif Nəzərli
07:20 27.11.2024
Siyasət
548
Hökumət öz adamlarından birini prezident seçəcək və ölkədə vəziyyət normallaşacaq
“Gürcü arzusu”nun deputatları prezident seçkilərinin dekabrın 14-nə təyin edilməsi ilə bağlı qətnamə layihəsini dəstəkləyiblər. Gürcü KİV-nə istinadən xəbər verir ki, iclasda iştirak edən 80 deputatın hamısı “lehinə” səs verib, əleyhinə səs verən olmayıb.
Qərara əsasən, prezidentin andiçmə mərasimi dekabrın 29-da baş tutacaq.
Qanuna görə, prezident seçkiləri parlamentin ilk iclasından sonra 45 gün ərzində keçirilməlidir.
Parlamentin spikeri Şalva Papuaşvili bu tələsikliyi konstitusiyanın mətni ilə izah edib. Onun sözlərinə görə, prezidentin 5 il müddətinə seçilməsi üçün həm seçkilərin, həm də andiçmə mərasiminin bu il baş tutması vacibdir. Əks halda bu müddət 6 il olacaq.
Bu arada “Gürcü Arzusu” Partiyasının icraçı katibi, deputat Mamuka Mdinaradze deyib ki, hakimiyyətdə olan partiya “99 faiz” namizədlə bağlı qərar verib. Onun sözlərinə görə, komanda qərar verib ki, bu, “gürcü ürəkli və ruhlu” şəxs olmalıdır.
Eyni zamanda Mdinaradze partiyalarının təsisçisi fəxri sədri Bidzina İvanişvilinin prezident kürsüsünə iddia edəcəyini istisna edib.
"Mtavari" telekanalı xəbər verib ki, hakim partiya iki nəfər arasından prezidentliyə namizəd seçib. Bu, partiyanın sədri, keçmiş baş nazir İrakli Qaribaşvili və Gürcüstanın birinci Prezidenti Zviad Qamsaxurdiyanın oğlu, bu yaxınlarda Milli Parlament Kitabxanasına rəhbərlik edən Konstantin Qamsaxurdiyadır.
2018-ci ildə Salome Zurabişvili Gürcüstanın beşinci və sonuncu birbaşa seçilmiş prezidenti olub. Onun səlahiyyət müddəti dekabrın 16-da başa çatır.
Gürcüstanın yeni prezidenti ilk dəfə olaraq 300 nəfərdən ibarət kollegiya tərəfindən seçiləcək. Bunlar yeni parlamentin 150 deputatı və 150 regional nümayəndədir.
Gürcüstan parlamentində baş verən prosesləri şərh edən siyasi şərhçi Vasif Əfəndiyev isə “Sherg.az"a açıqlamasında deyib ki, rusiyalı milyarder İvanişvilinin komandası parlamentdə səs çoxluğuna sahib olaraq dünən 89 deputatı tələsik toplayaraq 150 deputatın adından prezident seçkilərinin vaxtını təyin ediblər:
“Məlumdur ki, fəaliyyətdə olan Prezident Salome Zurabişvili seçkilərin nəticələrini tanımayıb və konstitusiya məhkəməsinə müraciət edib. Belə olan təqdirdə parlament iclasının keçirilməsi legitim sayılmaya bilər. Prezident Zurabişvili başda olmaqla digər 61 millət vəkili parlament iclasını boykot ediblər. Müxalifət indiki parlamenti tanımaqdan imtina edərək alternativ parlament yaradıb. Dekabr ayının 14-ə qədər Tbilisidə gərgin günlər yaşanacaq. Mixail Saakaşvilini dəstəkləyən “Birlik” Partiyasının seçilmiş millət vəkilləri mandatdan imtina ediblər. Bu addımı digər təşkilatların da atacağı gözlənilir”.
V.Əfəndiyevin sözlərinə görə, parlamentin 46 faizinin iclaslara qatılmaması ciddi məsələdir və irəlidə təkrar seçkilərin keçirilməsi gözləniləndir:
“Hazırkı vəziyyətdə “Gürcü arzusu”nun namizədi eks baş nazir İrakli Qaribaşvilidir. Ona müxalif olaraq eks Prezident Zviad Qamsaxurdiyanın oğlunun adı hallandırılır. Hər bir halda prezident seçkiləri baş tutarsa, İvanişvilinin namizədi parlament deputatlarının və regiondan seçilmiş daha 150 nümayəndənin səsi ilə seçiləcək”.
Siyasi ekspert Məhəmməd Əsədullazadə də Gürcüstanda keçirilən parlament seçkilərində hakim “Gürcü Arzusu” Partiyasının qalib gəldiyini, lakin Prezident Salome Zurabişvili və müxalif qüvvələr bu nəticələri tanımadıqlarını xatırladıb. Seçkidən bir gün sonra gürcü xalqını etiraz aksiyalarına səsləyən Prezidentlə hakim partiya arasındakı siyasi qarşıdurmanın davam etdiyini vurğulayan siyasi ekspert deyib ki, Gürcüstanın 11-ci çağırış parlamentinin noyabrın 25-də baş tutan ilk iclasına prezidenti çağırmadılar:
“Gürcüstanda prezident səlahiyyətləri az olduğu üçün hakim partiya ilə yaşanan qarşıdurma vətəndaş qarşıdurması, xaosa səbəb olmur. Onsuz da, gözlənilən prezident seçkilərində Salome Zurabişvilinin yenidən seçilmə ehtimalı çox aşağıdır. Yəqin ki, hökumət öz adamlarından birini prezident seçəcək və ölkədə vəziyyət normallaşacaq. Bilirsiniz ki, Zurabişvilidən əvvəlki prezidentlə də hökumət arasında ciddi ziddiyyətlər yaşanırdı”.
Oxşar xəbərlər
Xəbər lenti
Hamısına bax
İsrail Qəzzanın mərkəzində əməliyyata başladı
22:54 18.11.2026
Gündəm
Putinlə Trampın görüşü qısa olacaq - Kreml
22:18 18.11.2026
Dünya
Bərdədə piyadanı avtomobil vuraraq öldürüb
21:16 18.11.2026
Hadisə
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial