ABŞ Ukraynanın nadir torpaq elementlərinin istismarından 20 milyard dollar gəlir əldə edəcəyini gözləyir.
Teleqraf xəbər verir ki, bunu "NewsNation" telekanalına Ağ Evin Milli İqtisadi Şurasının direktoru Kevin Hassett deyib.
"Çoxlu hesablamalar var, amma təxmini proqnozlar 20 milyard dollardır. Əslində isə sövdələşmənin dəyəri daha yüksəkdir", - o bildirib.
Saziş layihəsinə görə, Kiyev və Vaşinqton birgə bərpa fondu yaradacaq, Ukrayna təbii ehtiyatlardan gələn gəlirlərin 50%-ni bu fonda yönəldəcək, ABŞ isə bu fondun yeganə benefisiarı olacaq. Bunun müqabilində Amerika hökuməti Ukrayna qarşısında uzunmüddətli maliyyə öhdəlikləri götürəcək.
