Yaponiyada saata 23 dollar ödəməklə nənə icarəyə götürə bilərsiniz.
“Qafqazinfo” xəbər verir ki, bu haqda “Oddity Central” məlumat yayıb.
Proqramda zəngin həyat təcrübəsinə, ünsiyyət bacarıqlarına və yemək bişirmək bacarığına malik 64-90 yaşlı 100-dən çox yaşlı qadın iştirak edir. Onların bir çoxu əvvəllər uşaq böyüdən evdar qadınlardır.
Müştərilər öz ehtiyaclarına uyğun nənə seçə bilərlər: bəziləri sadəcə söhbət etmək və çay içmək istəyir, bəziləri çətin şəxsi vəziyyətlərdə köməyə ehtiyac duyur, digərləri onları toy və ya digər tədbirlərdə qonaq kimi sifariş edir.
Xidmət xüsusilə özünü tənha hiss edən və ya ailə “istiliyindən” məhrum olanlar arasında populyardır. Çoxları qeyd edir ki, belə qadınlarla ünsiyyət mehribanlıq, anlaşma və təhlükəsizlik hissi gətirir.
Həmçinin təşkilatçılar yaşlılara hörmətin vacibliyini vurğulayırlar, buna görə də bütün görüşlər təhlükəsiz və mehriban şəraitdə keçirilir.
