Çin alimləri "Chang'e-6" missiyası zamanı Yerin təbii peykindən qaytarılan nümunələri təhlil etdikdən sonra Ayın mantiyasının yenidən əriyə biləcəyini bildiriblər.
Publika.az xəbər verir ki, bu barədə Çin Elmlər Akademiyası (CAS) məlumat yayıb.
Alimlər bu qənaətə Ayın uzaq tərəfindəki cənub qütb bölgəsindən gətirilən reqolit nümunələrini qəbul edib tədqiq edərkən gəliblər. Mütəxəssislərin fikrincə, onların tərkibində adi mantiya üçün xarakterik olmayan maddə var.
“Bu, Ayın qədim mantiyasını əmələ gətirən süxurların ilkin olaraq bu atomlardan bir neçəsini ehtiva etdiyini və ya Ayın səthində ən böyük krateri yaradan asteroidin təsirindən sonra onların yenidən əridildiyini göstərir”, - deyə akademiya bildirib.
CAS qeyd edib ki, əvvəlki araşdırmalar göstərir ki, mantiya təxminən 4,25 milyard il əvvəl böyük təsir nəticəsində yenidən əriyib və trilyon atom bombasının enerjisindən daha çox enerji buraxıb. Bu təsirin Ayın geologiyasına və istilik təkamülünə təsiri son vaxtlara qədər planetar elmdə həll edilməmiş ən vacib suallardan biri olaraq qalır.
Eyni zamanda, mütəxəssislər ilkin olaraq Ay mantiyasında qeyri-adi maddənin ola biləcəyini istisna etmirlər.
