Türkiyədən iki şəhər də siyahıda yer aldı
İngiltərənin nüfuzlu qəzetlərindən “Daily Mail”, dünyanın ən yaxşı yeməklərinin təqdim olunduğu şəhərləri sıralayıb. Türkiyədən də iki şəhər ilk 30-luğa daxil olub.
Sherg.az xəbər verir ki, “Daily Mail”, məlumatlarını səyahət və qastronomiya platforması “Taste Atlas”a əsaslanan xəbərində, dünyanın ən yaxşı yeməklərinin təqdim olunduğu şəhərləri açıqlayıb.
Xəbərdə gastronomiya turizminin son illərdə sürətlə artdığına diqqət çəkilir və “Dünyanın ən yaxşı yemək şəhərləri” sıralaması yarım milyona yaxın istifadəçi rəyi əsasında müəyyən edilib.
Araşdırmada 17 minə yaxın şəhər, mətbəx mədəniyyəti, yerli ləzzətləri və qastronomik müxtəlifliyi ilə yarışıb. Siyahının başında Avropa şəhərləri diqqət çəkib.
İlk sırada pizza və makaron paytaxtı sayılan İtaliyanın Napoli şəhəri qərarlaşıb. Onu İtaliyadan Milan, Bolonya və Floransa izləyib. İlk 10-luğa həmçinin Mumbai (Hindistan), Roma, Paris, Vyana, Torino və Osaka (Yaponiya) daxil olub.
Avropa ağırlıqlı siyahının digər yerlərində isə dünyanın müxtəlif qastronomiya mərkəzləri yer alıb:
Madrid, 12. Nyu-York, 13. Cenevrə, 14. Nis, 15. Lima, 16. Cakarta, 17. Kyoto, 18. Qaziantep, 19. Ferrara, 20. Nyu-Orleans, 21. Katania, 22. Sinqapur, 23. Venesiya, 24. İstanbul, 25. Tokio, 26. San-Fransisko, 27. Lissabon, 28. Guadalaxara, 29. Çikaqo və 30. Filadelfiya.
Siyahıda Türkiyə üzrə diqqət çəkən məqam Qaziantep və İstanbulun ilk 25-likdə yer almasıdır.
Qaziantep özünəməxsus mətbəxi, UNESCO tərəfindən qeyd olunmuş ləzzətləri və ənənəvi şirniyatları ilə 18-ci sırada qərarlaşıb.
İstanbul isə müasir restoranları və çoxmədəniyyətli qastronomiya strukturu ilə 24-cü sırada yer alıb.
“Taste Atlas” qiymətləndirməsində vurğulanır:
“Bir şəhərin mətbəxi yalnız yeməklərindən deyil, tarixindən, mədəniyyətindən və insanından da izlər daşıyır.”
