Yaponiyanın yaşıl çay növü olan matçanın dünyada tədarükü sosial mediada populyarlığına görə azalıb.
Teleqraf xəbər verir ki, tiktokda çayın dadı və faydaları barədə çoxlu paylaşımlardan sonra bu çay Yaponiyanın hüdudlarını aşıb və dünyada da papulyarlaşmağa başlayıb.
Matça yaşıl çay yarpaqlarından hazırlanmış narın tozdur. Ənənəvi olaraq qaynar suda dəmlənir. Son illərdə qəhvəxana və restoranlarda əsas məhsula çevrilib. Lattelərdən tutmuş desertlərə qədər hər şeyə əlavə edilir. Bu yaxınlarda isə matça kartof çipslərindən tutmuş əl losyonuna qədər geniş çeşiddə qida və gözəllik məhsullarına əlavə edilməyə başlayıb.
Hətta hazırda pudra istehsalında da istifadəsinə başlanılıb. Artıq Yapoiyada çay tədarükünü çatdırmaq mümkün deyil və dükanlarda adambaşına ancaq bir paket bu çaydan almaq olar.
Çayın pərakəndə və topdansatış şirkəti olan matcha.com-un baş direktoru Andre Fasciolanın sözlərinə görə, Yaponiyadakı isti hava dalğası səbəbindən məhsul ötən illə müqayisədə 20 faiz azalıb. Eyni zamanda, şirkət "görünməmiş tələbat"la üzləşib - həm topdan, həm də pərakəndə tələbat sayəsində satışlar son dörd ildə 940 faiz artıb.
