Həm aparıcı aktrisa, həm də prodüser olduğu, kassada 1 milyard dollarlıq həddi keçərək böyük uğur qazanan Margot Robbinin "Barbi" filmindən qazandığı pullarla bağlı planı maraq mövzusudur. Diqqətçəkən cavablar dünyaca məşhur avstraliyalı aktrisa və əri Tom Akerlidən gəlib.
Sherg.az xarici mediaya istinadən xəbər verir ki, iyulun 21-də ekranlara çıxan "Barbi" 2023-cü ilin ən çox gəlir gətirən filmi olub. Margot Robbie bütün dünyada 1,4 milyard dollardan çox gəlir əldə edən film sayəsində bank hesabına çoxlu pul yığıb.
2014-cü ildə əri Tom Ackerli və dostları ilə birlikdə qurduğu prodüser şirkəti vasitəsilə çox danışılan filmin prodüserliyini də edən aktrisanın maaşından və kassa gəlirlərindən bonus olaraq təxminən 50 milyon dollar qazandığı öyrənilib.
Həyat yoldaşı ilə "Entertainment Tonight"a danışan avstraliyalı aktyor, "Əslində hələ dəlicəsinə bir şey xərcləməmişəm. Sadəcə anamın ipotekasını ödəmişəm. İndi bunu deyəndə bacı-qardaşlarım "evim haradadır?" deyə soruşacaqlar. "Barbi" ilə qeyd etmək üçün çox şey var. Mən hiss edirəm ki, biz yeni mərhələlərə çatacağıq. Hər yeni uğurla hər kəs bir daha heyran qalacaq” deyə bildirib.
33 yaşlı aktrisa xərcləmə planları ilə bağlı dəqiq məlumat verməsə də, əri "Barbi"dən gələn sərvətinin necə xərclənməsi ilə bağlı maraqlı fikir irəli sürüb. "Biz bir az çəhrayı Ferrari almalıyıq" deyə Tom Ackerli zarafat edib.
Rekordlar ardınca rekord qıran film istehsalı təkcə Margot Robbiyə uğur gətirməyib. "Warner Bros."un istehsal etdiyi "Barbi" filminin rejissoru və ssenari müəllifi olan Qreta Qerviq "kino tarixində ən yüksək kassa gəlirinə malik qadın rejissor" adını qazanıb. Gerviqin də Margot Robbi kimi kassa uğurundan əlavə gəlir əldə edəcəyi bildirilir.
Qreta Gerviqin rekorduna tək qadın rejissorun çəkdiyi filmlər daxildir. Patty Jenkins, 2017-ci ildə ekranlara çıxan və 821 milyon dollar gəlir gətirən "Wonder Woman" filmi ilə Gerviqdən əvvəl "ən çox gəlir gətirən filmin yeganə qadın rejissoru" ünvanına sahib idi.
Film "Barbi" və ingiliscə milyard mənasını verən "million" sözlərinin birləşməsindən yaranan "Barbillion" ifadəsi ilə müəyyən edilir; Söhbət Margot Robbinin canlandırdığı Barbie və Ryan Goslinqin canlandırdığı "Ken" kuklalarının real dünyada şəxsiyyətlərini kəşf etmələrindən gedir.
