"Bakı Dövlət Universiteti Jurnalistika Fakültəsində dərs deməyi çox istəyərəm."
Bu sözləri "Şərq" qəzetinin əməkdaşının "BDU Jurnalistika Fakültəsində dərs keçmək istərdinizmi?" sualını cavablayan CNN TÜRK Xəbər Mərkəzinin Xüsusi Xəbərlər rəhbəri Fulya Öztürk söyləyib:
"Mən Azərbaycanda yaşamaq istəyərəm. Müəllimliyi çox sevirəm. Birini öyrətmək çox gözəl duyğudur. Xaraktercə ekstravert insanam. Buna görə də xüsusilə Azərbaycandakı bacı və qardaşlarıma təcrübələrimi anlatmaq, onları məlumatlandırmaq xoş olar. Onların da fayda görməkləri məni sevindirər. Azərbaycan onsuz da mənim evimdir".
