Ukraynanın aparıcı media subyektlərində Azərbaycan Prezidenti İlham Əliyevin Amerika Birləşmiş Ştatlarına (ABŞ) işgüzar səfərinə dair məqalələr dərc edilib.
AZƏRTAC xəbər verir ki, “Ukrinform”, “UNİAN”, “RBK-Ukrayna”, “İnterfaks-Ukrayna”, “Gordon” və digər informasiya agentliklərində və xəbər portallarında dərc olunan məqalələrdə ABŞ Prezidenti Donald Trampın iştirakı ilə Azərbaycan Prezidentinin və Ermənistanın Baş nazirinin görüşəcəyi qeyd olunub. “Tramp Azərbaycan Prezidenti İlham Əliyevi və Ermənistanın Baş naziri Nikol Paşinyanı Ağ evdə qəbul etməyi səbirsizliklə gözlədiyini bildirib. Onun sözlərinə görə, Ağ evdə sülhə dair sənədin imzalanma mərasimi olacaq”, - deyə məqalələrdə vurğulanıb.
Həmçinin qeyd edilib ki, ABŞ iqtisadi imkanlardan birgə istifadə etmək və Cənubi Qafqaz regionunun potensialını açmaq üçün hər iki ölkə ilə ikitərəfli sazişlər imzalayacaq.
