Ukrayna Prezidenti Volodimir Zelenski Kanadanın Baş naziri Mark Karni və İsveçrə Prezidenti Karin Keller-Zutterlə görüşüb.
Teleqraf xəbər verir ki, V.Zelenski hər iki görüş barədə sosisal şəbəkə hesabında məlumat yayıb.
və ilə görüşdüyünü bildirib.
Siyasətçilər Ukrayna üçün uzunmüddətli sülh perspektivlərini və “könüllülər koalisiyası” çərçivəsində ölkələrin qarşılıqlı əməkdaşlıq istiqamətlərini müzakirə ediblər.
Zelenski Kanadanın Baş nazirinə Rusiyanın raket və pilotsuz təyyarələrinin zərbələri fonunda ukraynalıların həyatını qorumaq üçün raket əleyhinə müdafiənin gücləndirilməsinin vacibliyini bildirib. Prezident həmçinin Kiyev və Moskva arasında Türkiyədə aparılan danışıqlar barədə Karniyə məlumat verib. O deyib: "Rusiyaya qarşı növbəti sanksiyalar güclü olmalıdır və onu sülhə doğru real addımlar atmağa məcbur etməlidir".
İsveçrə Prezidenti K.Zutterlə görüşdə də atəşkəs zərurəti, Rusiyaya təzyiqlərin artırılması və humanitar layihələrinin həyata keçirilməsi, eləcə də İsveçrə şirkətlərinin Ukraynanın yenidən qurulmasında iştirakını mövzuları müzakirə edilib.
V.Zelenski söhbət zamanı İstanbulda aparılan danışıqlardan, Ukraynada tam və qeyd-şərtsiz atəşkəsə nail olmaq üçün ABŞ da daxil olmaqla bütün tərəfdaşların birliyinin və koordinasiyasının vacibliyindən danışıb.
