
Politoloq: Zəngəzur məsələsində Rusiya və İran eyni mövqedən çıxış etmirlər
13:07 10.09.2024
Aktual
747
İranla Rusiya arasında Zəngəzur dəhlizi ilə bağlı ziddiyyətli mövqe böhranlı vəziyyət yaradıb. Rəsmi Tehran hesab edir ki, Rusiyanın Zəngəzur dəhlizinin açılması ilə bağlı addımları regiondakı vəziyyəti kökündən dəyişə bilər. Rusiyanın xarici işlər naziri Sergey Lavrovun Bakıda İrəvanı nəqliyyat kommunikasiyalarının açılmasına dair üçtərəfli sazişi sabotaj etməkdə ittiham etməsinin ardınca XİN-in rəsmi nümayəndəsi Mariya Zaxarovanın “dəhliz Moskva üçün prioritet olaraq qalır” bəyanatı Tehranda ciddi etirazlara səbəb olub. Bu gün isə İran Ali Milli Təhlükəsizlik Şurasının katibi Əli Əkbər Əhmədian Rusiyaya səfər edib.
Məlumata görə, Əhmədianın Zəngəzur dəhlizi məsələsində Rusiya rəsmiləri ilə ikitərəfli danışıqlar aparması planlaşdırılıb.
Orta Doğu Araşdırmalar Mərkəzinin sədri, politoloq Sədrəddin Soltan “Sherg.az”a bildirib ki, İran Ali Milli Təhlükəsizlik Şurasının katibi Əli Əkbər Əhmədianın Rusiyaya səfəri təkcə Zəngəzur dəhlizi ilə bağlı deyil:

“Çünki İran və Rusiya arasında əhatəli strateji əməkdaşlığa dair saziş də gecikir. Hesab edirəm ki, səfər çərçivəsində sözügedən məsələ də müzakirə olunacaq. Eyni zamanda İranın Rusiyaya ballistik raketlər verməsi dair xəbərlər yayılmışdı. Fikrimcə, Rusiyanın İrandan hərbi-texniki avadanlıq alması da görüş çərçivəsində müzakirə oluna bilər. Digər tərəfdən isə BRICS-nin Tatarıstanın paytaxtı Kazanda keçirilən sammitinə İran prezidenti Məsud Pezeşkian da dəvət olunub. Onun Rusiya prezidenti Vladimir Putinlə görüşü də gözlənilir. Yəni Əli Əkbər Əhmədianın səfəri zamanı bu məsələ də masaya yatırıla bilər”.
Ekspert qeyd edib ki, Rusiya Zəngəzur dəhlizi ilə bağlı mövqeyini açıq və qətiyyətli şəkildə ortaya qoyub:
“Zəngəzur yolunun açılması 2020-ci 10 noyabr bəyanatında öz əksini tapıb. Rusiya bu məsələ ilə bağlı hansısa yenilik etməyib. Sadəcə olaraq həmin bəyanatın 9-cu bəndində Rusiya sərhədçilərinin Zəngəzur dəhlizinə nəzarəti nəzərdə tutulub. Ermənistan isə Zəngəzur yolunu xarici təhlükəsizlik şirkətinin nəzarət etməsini tələb edir. Hesab edirəm ki, Ermənistanın təklifinə Rusiya razılıq verib. Görünən odur ki, Əli Əkbər Əhmədian Rusiyadan mövcud məsələ ilə bağlı daha əhatəli cavab almaq istəyir. Yəni İranın maraqlarının təmin olunması ilə bağlı Rusiyanın mövqeyini öyrənmək niyyətindədir. Bir neçə gün öncə Rusiyanın İrandakı səfiri Aleksey Dedov İslam Respublikasının Xarici İşlər Nazirliyinə dəvət edilmişdi. Amma görünən odur ki, məsələ ilə bağlı Tehran rejimini maraqlandıran əlavə suallar meydana gəlib. Həmin sualları isə Rusiya ilə müzakirə etmək istəyirlər. Çünki Zəngəzur məsələsində Rusiya və İran tərəfdaş olduqlarını baxmayaraq eyni mövqedən çıxış etmirlər. Bu isə İranı qıcıqlandıran faktordur. Zəngəzura Avropa ölkələrindən hansısa dövlətin özəl təhlükəsizlik xidməti nəzarət edəcəyi təqdirdə İranın təhlükəsizliyinin hansı vəziyyətdə olmasını da Əhmədian Rusiyada həmkarları ilə müzakirə edə bilər”.
Oxşar xəbərlər
Xəbər lenti
Hamısına bax
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya
Aİ Rusiyaya qarşı 22-ci sanksiyalar paketini hazırladı
17:57 20.11.2026
Dünya
KİV: ABŞ və İsrail İrana hücumu nəzərdən keçirir
17:10 20.11.2026
Gündəm
Ermənistan Rusiyaya yeni səfir təyin etdi
16:52 20.11.2026
Gündəm
Xəzər çirkab sulardan əziyyət çəkir
16:14 20.11.2026
Ekologiya
Bakıda avtoxuliqanlıq edən sürücü həbs edildi
16:10 20.11.2026
Hadisə