
Qripə qətiyyən dırnaqarası xəstəlik kimi yanaşmayın - İnfeksionist
Yusif Nəzərli
06:07 30.12.2024
Sağlamlıq
619
Koronavirus pandemiyasından sonra bütün yoluxanların immun sistemi zəifləyib
“Buna görə də əvvəlki illərlə müqayisədə insanlar yoluxma hallarını çox ağır keçirir”
Mövsüm dəyişikliyi ilə əlaqədar ölkədə qrip virusu yayılmağa başlayıb.
Hava-damcı yolu ilə keçən virusun əsas hədəf kütləsi isə uşaqlar olsa da böyüklər, xüsusən də immun sistemi zəif olanlar arasında da yoluxma halları müşahidə edilir.
Bununla bağlı paylaşımlara sosial şəbəkələrdə tez-tez rast gəlmək olur. Xəstəliyin əlamətləri qızdırma, güclü boğaz ağrısı, qrip və öskürəkdən ibarətdir. Yayılan virusun koronavirus olması ehtimalı insanlar arasında təşvişə səbəb olub.

Mütəxəssislər isə hesab edir ki, istənilən virusdan qorunmağın ən effektiv yolu peyvənd olunmaqdır.
İnfeksionist Mərdan Əliyev “Sherg.az”a açıqlamasında deyib ki, hər il bütün dünyada payız-qış fəslində mövsüm xəstəlik kimi kəskin respirator virus infeksiyaları yayılır:
"Bu da növbəti birisidir. Ola bilsin, koronavirusun mutasiyaya uğramış daha yüngül xəstəlik yaradan bir ştammıdır, ola bilsin, başqa virusdur. Əlamətləri bir az kəskin intoksikasyon sindrom verir və daha çox sinusitlə ağırlaşır (haymorit), yuxarı tənəffüs yollarının iltihablaşma, halsızlıq, oynaq ağrıları ilə özünü göstərir. Xəstəlik əlamətlərinin səciyyəsinə görə bu infeksiyaları biri-birindən ayırmaq mümkün deyil. Yəni oxşar simptomlarla müraciət edən şəxslərdə qeyd olunan fərqli infeksiyalar təsdiqlənə bilir. Konkret xəstəlik halında bunun hansı infeksiya olduğunu yalnız spesifik müayinələr aşkar edə bilər”.
İnfeksionistin sözlərinə görə, bu infeksiyalar əsasən yüngül, əksər hallarda fəsadsız keçir, qısa müddətə sağalır: “Mövsümi tip kəskin respirator virusların rutin etioloji diaqnostikası tələb olunmur. Qeyd etdiyimiz kimi, yalnız qrip infeksiyaları istisnadır. Bu hallarda qorunmaq üçün, xüsusən də risk qruplarına aid olan insanların peyvənd olunması məqsədəuyğundur”.
Həkim həmçinin vurğulayıb ki, qrip hər zaman ağır xəstəlik hesab olunub, sadəcə, insanlar bütün növ halsızlıqları, soyuqdəymələri qrip adlandırdığı üçün əsl qripi hiss etməyib: “Qış aylarında, xüsusilə də dekabr ayından mart ayına qədər bizim ölkədə qrip olur və biz ona asanlıqla yoluxa bilirik. Qripə dırnaqarası xəstəlik kimi yanaşmamalıyıq. Qrip kifayət qədər ağır fəsadları olan, özümüzü gözləməsək, pnevmoniyaya qədər aparan xəstəlikdir. Koronavirus pandemiyasından sonra bütün yoluxanların immun sistemində zəifləmə baş verdi. Maskalardan istifadə, açıq havada az vaxt keçirmək, günəşdə yetəri qədər olmamaq, dəniz kənarında kifayət qədər vaxt keçirilməməsi immunitetimizin zəifləməsinə səbəb oldu. Buna görə də əvvəlki illərlə müqayisədə viruslarda ağır keçməyə meyillilik özünü göstərir”.
Oxşar xəbərlər
Xəbər lenti
Hamısına bax
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat
Britaniya TRIPP-in təhlükəsizliyinə töhfə verə bilər - ŞƏRH
17:18 17.11.2026
Aktual