Şimali Koreyanın Müdafiə Nazirliyi bir sıra açıqlama verib. Açıqlamada ABŞ və müttəfiqlərinin hərbi təxribatlarının hazırkı Tramp administrasiyası dövründə daha aydın göründüyü bildirilib.
Publika.az xəbər verir ki, nazirliyin media idarəsinin adı açıqlanmayan rəhbəri Koreya Mərkəzi Xəbər Agentliyi tərəfindən son birgə hərbi təlimlərə və ABŞ-nin Cənubi Koreyadakı hərbi mövcudluğuna istinad edərək bildirib ki, Vaşinqton və təsir dairəsi Koreya Xalq Demokratik Respublikasının (Şimali Koreya) təhlükəsizlik mühitini təhdid edir.
“Biz düşmənlərin strateji təhlükəsinə öz strateji alətlərimizlə cavab verəcəyik”, - deyə Pxenyanın hərbi fəaliyyətini davam etdirəcəyinə söz verilib.
Cənubi Koreyanın Müdafiə Nazirliyi bildirib ki, “B-1B” strateji bombardmançısının iştirakı ilə ABŞ-lə birgə hava təlimi keçirilibb. Şimali Koreya uzun müddətdir ki, bu hərbi təlimləri müharibəyə hazırlıq kimi pisləsə də, Seul onların yalnız müdafiə məqsədi daşıdığını deyir.
Qeyd edək ki, Münhendə ABŞ, Yaponiya və Cənubi Koreyanın xarici işlər nazirləri Trampın Ağ Evə qayıtmasından sonra ilk belə səviyyəli görüş keçiriblər.
