İran parlamenti və Konstitusiya Nəzarət Şurası Rusiya ilə bağlanmış genişmiqyaslı strateji tərəfdaşlıq müqaviləsini təsdiqləyib.
Teleqraf xəbər verir ki, bu barədə “RIA Novosti” məlumat yayıb.
İranın Konstitusiya Nəzarət Şurasının rəsmi nümayəndəsi Hadi Tahan Nazif sosial şəbəkə hesabında bildirib ki, müqavilə konstitusiyaya və İslam hüququna tam uyğundur və heç bir pozuntu aşkarlanmayıb.
Müqavilə yanvarın 17-də İran Prezidenti Məsud Pezeşkianın Rusiyaya rəsmi səfəri zamanı imzalanıb. Sənəddə tərəflər qarşılıqlı maraq kəsb edən sahələrdə əməkdaşlığı dərinləşdirməyi, təhlükəsizlik və müdafiə sahələrində əlaqələri gücləndirməyi, həmçinin regional və beynəlxalq səviyyədə sıx koordinasiyanı təmin etməyi özlərinə məqsəd qoyurlar.
