"Rusiyanın ilin sonuna qədər 300 min nəfəri səfərbər etmək planı yoxdur".
APA xəbər verir ki, bunu Rusiya prezidentinin mətbuat katibi Dmitri Peskov bildirib.
O, RTVI-yə açıqlamasında Rusiyanın 2026-cı ilin sonuna qədər orduya 300 min nəfər çağırmağa hazırlaşdığı barədə məlumatları təkzib edib.
“Xeyr. Belə planlar yoxdur”, – Peskov qeyd edib.
Qeyd edək ki, daha əvvəl “Bloomberg“ təhlükəsizlik sahəsində çalışan avropalı məmura istinadən Rusiyanın 2026-cı ilin sonuna qədər orduya 300 min nəfər cəlb etməyə hazırlaşdığı barədə məlumat yaymışdı.
