İranda tanınmış din xadimi, Tehranın cümə imamı olan Kazım Sadiqinin ailə üzvləri saxlanılıblar.
Bakupost.az xəbər verir ki, bu barədə "Azad İran" "Telegram" kanalı məlumat verib.
Bundan əvvəl onun iki oğlu İslam İnqilabı Keşikçiləri Korpusunun (SEPAH) kəşfiyyat qüvvələri tərəfindən korrupsiya işi üzrə həbs olunub. Daha sonra isə din xadiminin gəlininin də tutulduğu bildirilib.
Məlumata görə, Kazım Sadiqinin özü, iki oğlu və gəlini 2023-cü ildə də Tehranın şimalında dəyəri 20 milyon dollardan çox olan dövlət torpaqlarının qanunsuz mənimsənilməsində ittiham olunublar.
