Moskva hesab edir ki, Azərbaycan və Ermənistan Rusiyanın NATO-nun Cənubi Qafqaz regionundakı fəaliyyəti ilə bağlı narahatlığını başa düşür, eləcə də alyans kimi aqressiv hərbi blokla əməkdaşlığın dərinləşdirilməsi risklərini dərk edir.
Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“NATO Cənubi Qafqazın təhlükəsizliyi üçün yaxşı heç nə gətirmir. Əksinə, qərblilərin əsas məqsədi, regionda sabitliyi pozmaq, onu bir-birinə qarşı qoymaq, yeni gərginlik nöqtələri yaratmaqdır. Ümid edirik ki, həm Bakı, həm də İrəvan bu məsələ ilə bağlı haqlı narahatlığımızı eyni dərəcədə başa düşür, təcavüzkar hərbi bloklarla qarşılıqlı əlaqələrin dərinləşdirilməsi risklərini tam qiymətləndirirlər”, - o bildirib.
