Araşdırmalara görə, insanların 60 faizi yalan danışmadan 10 dəqiqə belə keçirə bilmir. Bəs, siz deyilənlərin doğru yaxud yalan olduğunu necə anlayacağınızı bilirsiniz? Bunu anlamaq üçün bir neçə sadə üsul köməyinizə çatacaq. Bütün detalları aşağıdan öyrənə bilərsiniz.
1)Danışdıqlarını təkrar etmələrini istəyin. Lakin bunu tərsdən edin:
Adətən, insanlar yalan danışdıqda xronoloji ardıcıllıqla getməyə hazır uydurma bir hekayələri olur. Bunun əksini demək məcburiyyətində qalsalar, stres və təzyiq hiss edəcəklər. Çünki hadisəni belə planlamayıblar. Bu o deməkdir ki, yalan danışmaq onlar üçün olduqca çətin vəzifədir. Doğrunu danışmaq daha asan olsa da, yalan deyən adam stres keçirib, söylədiklərində lazımsız detallar paylaşacaq.
2) Sürpriz variantından istifadə edin:
Kiminsə sizə yalan danışdığını düşünürsünüzsə, söhbətin ortasında anidən sual verin. Mümkünsə həmin şəxsdən xüsusi bir şey istəyin. Beləcə ağlı qarışacaq və dedikləri bir-birinə uyğun gəlməyəcək. Yalan deyən insan təfərrüatları yalana necə əlavə etmək barədə hazır bir fikri olmadığına görə vacib məqamların üstündən keçəcək. Bu səbəbdən müəyyən cavabı olmayan sualları soruşmağınıza qəsdən mane ola bilər.
3)Saxta gülümsəmələrə diqqət edin:
Yalan danışarkən insan dodaqlarının bir-birinə sıxılma ehtimalı daha yüksəkdir. Bu da onun gülüşlərini saxta göstərəcək. Əgər şəxsi yaxından tanıyırsızsa, saxta bir təbəssümü tapmaq daha asan olacaq.
4)Eyni sualı müxtəlif yollarla verin:
Yalançı, adətən, yalnız eyni təfərrüatlara cavab verir,lakin fərqli izah edir. Məsələn, bir sualı 3 müxtəlif yolla verəndə həmin şəxs danışdığı hekayə haqqında daha çox məlumat verməyə məcbur olur . Bu zaman eyni sözləri deyir, eyni ifadələri istifadə edərək təfərrüatlarda ilişib qalır.
5)Hər hansı bir səs dəyişikliyinə diqqət yetirməyə çalışın:
Kimsə yalan danışanda səs tonu və danışıq sürəti dəyişir. Daha sürətlə və yaxud yavaş danışan adam dediyi yalanlara uyğun olmağa çalışır.
6)Sizə verilən cavablarda gecikmə olub-olmadığını yoxlayın:
Yalan dediyini hesab etdiyiniz insana sual verin. Əgər bu sualın cavablandırılması asandır, lakin şəxs gec cavab verirsə və vaxt itirirsə, çox güman ki, nə deyəcəyini düşünür.
