Qüdrət narını ev şəraitində də yetişdirmək mümkündür
Qüdrət narı, bəzi yerlərdə Afrika xiyarı, acı qovun, balzam alması və ya armudu da deyilir. Latınca momordica adının mənası dişlənmiş, sanki yeyilmiş vəziyyətdə bitir. Kal olarkən yaşıl, yetişəndə sarı-qırmızıya çalan rəng alır.
Fitoterapevt Dr. Elnur Eldaroğlunun “Şərq”ə açıqlamasına görə, Vətəni Hindistan olsa da Azərbaycanda da əkilib-becərilir. Türkiyədə çox məşhurdur: “Bu nar növü, əczaçılıq sahəsində geniş istifadə olunur. Qüdrət narı bol su və günəşlə təmin olunarsa, onu hətta dibçəkdə də yetişdirmək mümükündür. Əksər xəstəliklərin müalicəsində istifadə edilən nar, həm də kolit, qastrit kimi mədə və bağırsaq pozulmalarına da güclü təsir edir. Qüdrət narlı məcun şəklində də tapa bilərsiz. Qüdrət narlı məcun 1 çay qaşığı 3 dəfə yeməkdən öncə yeyilir.
Həzm xəstəlikləri üçün yaxşıdır. Gündə bir qaşıq qüdrət narı, bal və zeytun qarışımı bağırsaqlardakı qəbizlik problemini aradan götürür.
Xalis zeytun yağı içində 6 ay gözlədilən qüdrət narı isə hər səhər bir xörək qaşığı qaba qoyularaq, 1 xörək qaşığı balla qarışdırılaraq aç qarına da yeyilir.
Şişlərin qarşısını alır. Bəzi araşdırmalara görə, qüdrət narının faydalarından biri də şişin qarşısını almaq və hüceyrə sağlamlığını qorumaqdır. Meyvənin üst hissəsi və yarpaqları şəkər xəstəliyi zamanı istifadə olunur”.
