Uzun illərdir ki, gec yatmağın psixi sağlamlıq problemləri riskini artırdığı məlum olsa da, bu vəziyyətin nədən qaynaqlandığı elm adamları tərəfindən uzun müddətdir müzakirə edilir.
Sherg.az xəbər verir ki, "PLOS One" jurnalında dərc olunan yeni araşdırmada 500-dən çox iştirakçı təhlil edilib. Gec yatmaq və depressiya arasındakı əlaqəyə fərqli bir baxış bucağı təqdim edən araşdırma, fərdlərin günün gec saatlarında daha narahat hiss etdiklərini və buna görə də uzun müddət oyaq qalmağın narahatlıq və depressiya ehtimalını artırdığını göstərir.
Gecə gec oyaq qalmağın spirtli içki qəbulunu artırdığı da müəyyən edilib. Bu vərdişin fiziki sağlamlığa təsirini tədqiq edən başqa bir araşdırma, kifayət qədər yuxu almamağın ürək-damar xəstəlikləri riskini artırdığını sübut etdi.
Gec yatmağa üstünlük verən fərdlərin erkən yatanlara nisbətən 2-ci tip diabetə tutulma ehtimalının daha yüksək olduğu ifadə edilib.
2018-ci ildə aparılan başqa bir araşdırma, gec yatmağın qadınlarda döş xərçəngi riskini artırdığını ortaya qoyub.
Surrey Universiteti tərəfindən aparılan hazırkı araşdırma depressiya və yuxusuzluq arasındakı əlaqəni aydınlaşdırmış kimi görünsə də, mütəxəssislər bu mövzuda daha çox araşdırmaya ehtiyac olduğunu da vurğulayırlar.
