ABŞ-də məşhur “Our Gang” adlı qısa film seriyası ilə tanınan aktrisa Betsy Qey dünyasını dəyişdi. Təcrübəli sənətçinin ölüm xəbərini onun yaxın dostu Bob Satterfield açıqlayıb.
Sherg.az xəbər verir ki, uşaq yaşlarında aktyorluğa başlayan Betsy Qey karyerasına “Our Gang” komediya serialı ilə başlayıb. Bir neçə bölümdə rol aldıqdan sonra, Alfalfa obrazının sevgilisi Effie rolunu canlandırıb. Bu serialda dörd ildən artıq müddət iştirak etdikdən sonra, 1938-ci ildə başqa layihələrə yönəlib.
Karyerası boyunca Betsy Qey “Tom Sawyer”, “Came the Brawn”, “Man of Conquest”, “A Day At The Circus” və “Mystery Plane” kimi 40-dan çox filmdə rol alıb. 1941-ci ildə Columbia Pictures üçün çəkilən qısa filmdəki jodel ifası ilə də yadda qalıb.
O, eyni zamanda “Hometown Jamboree”, “County Barn Dance”, “Town Hall Party”, “Country America”, “International Party Time” və “Polka Show” kimi proqramlarda da səhnəyə çıxıb.
Betsy Qey 1954-cü ildə Thomas Cashen ilə evlənib. Onların Mimi, Gigi, Tommy, Suzy və Cathy adlarında beş övladı var.
