Türkiyənin Kütahya bölgəsində bir restoranın tualetinə girən təxminən iki metr uzunluğunda ilan təşvişə səbəb olub.
Sherg.az xəbər verir ki, Kütahya-Eskişehir avtomobil yolu üzərində yerləşən restoranın tualetində ilan görüldüyünə dair məlumat alan Kütahya Təbiəti Qoruma və Milli Parklar Şöbə Müdirliyi (DKMP) əməkdaşları dərhal hadisə yerinə yollanıblar.
Restorana gələn qrup, tualetdəki ilanı xalq arasında “Bozyörük” adı ilə tanınan və zəhərsiz olan Hazer növünə aid ilan kimi müəyyən edib.
İlanı tutan mütəxəssislər daha sonra onu təbiətə buraxıblar.
