Gürcüstan müdafiə naziri Cuanşer Burçuladzenin Ermənistana səfər çərçivəsində Papikyanla qarşıdakı il üçün hərbi əməkdaşlıq sahəsində saziş imzalaması mümkündür.
Axar.az xəbər verir ki, “Sputnik Armeniya” bu iddia ilə çıxış edib.
Verilən məlumatda Ermənistan və Gürcüstan arasında müdafiə sahəsi istisna olmaqla, müxtəlif sahələrdə ikitərəfli əlaqələrin inkişaf etdiyi qeyd olunub:
“Ermənistan və Gürcüstan müxtəlif sahələrdə ikitərəfli əlaqələr qurur, lakin uzun illərdir ki, ölkələr müdafiə sahəsində əməkdaşlıq sahəsində nəzərəçarpacaq nəticələr əldə edə bilmirlər. Burçuladzenin səfər üçün seçdiyi vaxt da bu sahədəki çətinliklərin göstəricisidir. Bir qayda olaraq, idarə rəhbərləri ilin birinci yarısında qonşu və dost ölkələrə rəsmi səfərlər edirlər. Nazirlər əməkdaşlıq planı imzalayır və cari il üçün görüləcək tədbirləri müəyyən edirlər. Lakin bu dəfə Gürcüstanın müdafiə naziri ilin sonunda Ermənistana səfərə gəlib. Nazirlər sonuncu dəfə 2022-ci ilin mayında Ermənistanın müdafiə naziri Suren Papikyanın Tiflisə rəsmi səfəri zamanı ikitərəfli sənəd imzalayıblar. Ona görə də ola bilsin ki, bu dəfə ikitərəfli görüşdə Burçuladze və Papikyan 2024-cü il üçün əməkdaşlıq müqaviləsi bağlasınlar. Bir qayda olaraq, əməkdaşlıq sazişi ikitərəfli strateji, yüksək səviyyəli səfərləri, hərbi təhsil və hüquq sahəsində qarşılıqlı fəaliyyəti nəzərdə tutur. Tərəflər əsas istiqamətlər - strateji planlaşdırma, təhsil, tibb, hərbi polis üzrə razılığa gəlib”.
Səfərin səfir Sumbatyanın müdafiə nazirinin müavini Lela Çikovani ilə görüşdən sonra baş tutmasına xüsusi diqqət çəkilib:
“Maraqlıdır ki, gürcü rəsminin səfəri Tiflisdəki səfir Aşot Smbatyanın Gürcüstan müdafiə nazirinin birinci müavini Lela Çikovani ilə görüşündən dərhal sonra baş tutub. Görüşdə iki ölkə arasında əməkdaşlıq məsələləri müzakirə edilib və mövcud proqramlar nəzərdən keçirilib. Nazirlərin görüşü isə həm Tiflis, həm də İrəvan üçün mühüm əhəmiyyət kəsb edir. Regionun təhlükəsizlik arxitekturasında aparıcı rola iddialı olan Gürcüstan Ermənistanın baxışını bilməlidir. İndi ölkələr hərbi tibb və təhsil sahəsində əlaqələri inkişaf etdirmək potensialına malikdir. Yeri gəlmişkən, Gürcüstan infrastrukturların (qaz kəmərləri, neft kəmərləri və dəmir yolları) təhlükəsizliyini təmin etmək üçün təlimlərin təşkilində Azərbaycan və Türkiyə ilə əməkdaşlıq təcrübəsini Ermənistanla bölüşə bilər. Ermənistan-Gürcüstan birgə təlimləri istisna edilməməlidir. Ermənistan böyük ehtimalla Tiflis-Bakı-Ankara formatında müdafiə sahəsində əməkdaşlığın regionda sabitlik və təhlükəsizlik üçün kifayət etmədiyini Gürcüstanın nəzərinə çatdıracaq. Həmçinin Ermənistan və Gürcüstan arasında müdafiə dialoqunu inkişaf etdirmək lazımdır.
Xatırladaq ki, Gürcüstan Müdafiə Nazirliyinin rəhbəri Cuanşer Burçuladze sonuncu dəfə 2021-ci ildə Ermənistana səfər edib”.
Qeyd edək ki, Cuanşer Burçuladze ötən gün Ermənistana səfər edib.
